- 42 -

1346. Februar 12.

Nos Consules Civitatis Rathibor, scilicet Johannes dictus Martinj, Thilo de Frigenstat, Pesco Zcilcz, Heynnus Schawenkegel, Hanco Hydenrici una cum Scabinis Juratis videlicet Theodrico pistore, Paulo longo, Johanne Piskendorf, Petro Liboldi, Nycolao Kewirniter, Hancone Walkinj, Henslino sartore, Ad universorum noticiam tam presencium quam futurorum volumus pervenire, quod Thomas faber nostre predicte Civitatis incola in nostra constitutus presencia, est confessus, Margarete privigne sue et Augustino privigno suo porcionem suam in omnibus rebus tam mobilibus quam inmobilibus, que ipsos predictos Margaretam et Augustinum ex parte patris post ipsius discessum pertingi dinoscebatur, dedisse se omnimode et complete, quod eciam predicta Margareta et Augustinus predictus se a Thoma prefato ipsorum vitrico totaliter recepisse fatebantur, nichilominus ipsum Thomam prenominatum vitricum suum solutum dimiserunt, repeticionj et inpeticionj omnimode abrenunciantes. Datum in Rathibor Anno dominj M°. ccc°. xlvj°. Dominica qua cantabatur Circumdederunt me etc. Harum quas nostre universitatis Sigillo sigillavimus Testimonio litterarum.

Aus dem Archive des Jungfrauenklosters. Das Siegel fehlt.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 2, Urkunden der Klöster Rauden und Himmelwitz, der Dominicaner und Dominicanerinnen in der Stadt Ratibor. Hrsg von dr. W. Wattenbach, Breslau 1859.